1- ادعي ربنا انه يحققلك حاجه انت عاوزها بيقين وشوف العجب العجاب ... عملتها كتير و
نجحت بشكل رهيب 2- اكتب خطتك وحط فيها أهدافك اللى انت عاوز تحققها حتى لو كانت صعبه أوي بالنسبه ليك وما تستغربش اما تتحقق ... والله بتتحقق 3- حط حاجه فى دماغك واقعد فكر فيها كتير وعيش معاها واعتبرها بقت واقع وشوف نظرتك هتتغير ازاى ليها وازاى انك هتوصلها بعد ما كانت بعيده 4- جرب قيام الليل ولو ركعتين كل اسبوع ... حاجه كده ما تتوصفش لإنك لازم تعيشها وتعيش تأثيرها عليك الصبح 5- جرب تصحى بعد الفجر وما تنامش تاني وشوف السحر على اصوله ... يومك بيبقى اتنين وانجازاتك بتبقى الضعف ... وروحك بتبقى في السما 6- انوي تتجوز وخلي عندك يقين ان ربنا هيعينك ... وصدقني اتحداك انك بعد ما تتجوز تعرف ايه اللي حصل ... اه والله هي كده 7- حافظ على اذكار الصباح والمساء وشوف السكينه والطمأنينة اللي هتعيشها طوال يوم وليلتك 8- كل شهر امسك اجندتك واكتب انجازات الشهر ده وعيش أجمل احساس ممكن تعيشه في حياتك فى اخر يوم في السنه وانت بتشوف سنه كامله في حياتك
