كان فيه واحد إشترى أرض جديدة ومحتار يزرعها إيه وإنتم عارفين إن فى الحالات دى لازم الواحد يستشير
كل الناس اللى حواليه قالوا "أوعى تزرع بطاطس وإزرع كوسة كلنا هنزرع كوسة "
قالهم متشكرين والسنة دى بقى أكبر تاجر بطاطس فى البلد
سيدى الإمام الفاضل الناس لن ترضى مهما فعلت - الوسط حلو – لا تطول أوى ولا تقصر أوى
ويا إخوانى المصليين التراويح دى مش فرض وربنا يسر الصلاة لكل الناس تقدر تصلى وإنت قاعد ولو مش قادر خالص صلى ركعتين و بنيتك إنك عايز تصليها كلها ممكن تاخد الثواب اللى مخدوش اللى صلاها كلها لأانه كان سرحان فى الصلاة – الناس نست إن النية هى المطية - او حتى يدعوا ربنا يتقبل الآية اللى مش عجباهم بيقولوا على المساجد والأئمة اللى بتعمل كده بالإسم
بيفكرونى بقصة جحا وإبنه والحمار فضل يسمع كلام الناس لحد مشال هو وإبنه الحمار والمشكلة إن اللى بيضحكوا عليه هما اللى بينصحوه فى كل مرة لإنهم بيضحكوا على كل حاجة فى البلد و بينصحوه عشان يغلط
ده بدل ما يغيروا زى ما غير رسولنا صلى الله عليه وسلم لما كان يشوف فعل سئ كان يقول "ما بال أقوام يفعلون كذا" – ربنا يهدينى ويهدى الجميع