نفحات رمضانية :

نفحات رمضانية 

كثير منا بيعمل الغلط علشان لقى الناس بتعمله وده في حد ذاته غلط .. لأنه متأكدش اللى بيعملوه صح ولا غلط
ذكر ابن الجوزي -رحمه الله- أن بعضهم قال :-

" و مررت بقوم اجتمعوا على رجل يضربونه ، فقلت لرجل يجيد ضربه : ما حال هذا ؟ قال : والله ما أدري ما حاله ، ولكنى رأيتهم يضربونه فضربته معهم لله عزّ وجلّ وطلبا للثواب "
ده من غير ميعرف هما بيضربوه ليه أصلا .. وخلي بالك من حتة انه بيضربه لله وطلبا للثواب ديه

كثير منا نفس الكلام شاف الناس بتعمل فعمل .. من غير ميعرف اللى بيعملوه صح ولا غلط يعنى كثير يجيلك ايميل فيه حديث موضوع مكذوب .. من غير منفكر نعرف صحيح ولا لا .. على طوووووووووووووول ندوس على Forward

وتكتب ايميلات صحابك وصحاب صحابك واللى يعرفوا صحابك واللى ميعرفوش صحابك
وانت في دماغك انك بتعمل كده طلبا للثواب و بتعمله لله و لكن فعليا احيانا انت بتساهم في نشر كلام كذب عن النبي صلى الله عليه وسلم مثلا

فلازم نتأكد قبل مننشر حاجه عن الدين أو نساهم في حاجه أنها صح ولا غلط
مش علشان لقينا صحابنا بيعملوها .. نعملها